Ta tumando tur prekoushon di salú pa dia kruseronan yega Kòrsou

WILLEMSTAD – Celebrity Cruises ta komprometé pa sigui protokòlnan stringente pa salbaguardiá salú i seguridat di pasaheronan, tripulashon i e komunidatnan lokal, pa medio di medidanan pa salú i seguridat ku ta safe i komprensivo, desaroyá bou di guia di ekspertonan di e kompania mama, Royal Caribbean Group su Healthy Sail Panel, Global Head of Public Health i e Chief Medical Officer.

Alabes a traha riba esakinan ku outoridatnan gubernamental lokal pa salú. E medidanan aki, inkluso e rekerimentu pa vakunashon, desaroyá pa mantené standartnan aktual di salu.

E tim lokal di epidemiólogonan a saminá e rekerimentunan di e ‘Healthy Sail Panel’ i a yega n’e konklushon – pa aworakí – ku e linia di guia pa salú  ta duna sufisiente seguridat ku  prekoushonnan ku a tuma lo ta sufisiente pa salbaguardiá bienestar di pasaheronan, i tambe residentenan lokal.

Dia 17 di maart, 2021, Gobièrnu di a duna aprobashon pa inkluí Kòrsou den e itinerario planiá.

Lo mantené e linianan di komunikashon pa ahustá prekoushonnan na kualke momentu ku esakinan ta nesesario.