COHO ta ilegal i ta trapa nos outonomia: Dr. Rene Rosalia di Kousa Prome a indika for di un prinsipio

WILLEMSTAD – Mientras Premier Rhuggenaath cu Minister Martina a firma akuerdo ofisial pa aseptá COHO, Raad van State ta deklará COHO un lei ilegal enpugna ku Statüt.

Lider polítiko di Kousa Promé dr. Rene Rosalia a deklará for di kuminsamentu ku COHO ta ilegal i inaseptabel pa un Gobièrnu ku ta respetá su mes. COHO a resultá un berdadero akto di terorismo estatal Hulandes.

Hopi entidat i polítiko sin dignidat propio a reakshoná bisando ku no por kome outonomia. A uza strategia di intimidashon insinuando ku COHO t’e úniko solushon pa país Kòrsou i si no aseptá esaki ta será tur kranchi.

Ayera Raad van State ta deklará COHO ilegal. Pero Raad van State no tabata kompletu, e falta un parti mas den su konseho.

E no a rèp niun solo palabra riba responsabilidat di Hulanda komo firmante di e Karta Magno di Nashonnan Uni.

E responsabilidat mayó di Hulanda ta ku e derechi i debernan ankrá den Karta Magno ta superior na loke tin pará den Statüt.

Pues Hulanda komo pais kolonisador a violá Statüt i tambe Karta Magno di Nashonnan Uní. Ta opvio ku mester keda vigilá e kolonialnan hambrá Hulandes.

E Gobièrnu di Rutte no ta obligá na kambia nada nada di COHO. E por disidí di sigui fòrsa Kòrsou pa sukumbí.