FDOK kontra Komite Olimpiko den Korte na Suisa

WILLEMSTAD – Kulminashon di e kaso den Korte di Federashon Deporte i Olímpiko Korsou (FDOK) kontra Komité Olímpiko Internashonal (KOI).

Pa medio di e komunikado aki, Federashon Deportivo Kòrsou ta informá ku ayera na Laussanne, Suissa tabatin sentensia den e kaso FDOK kontra di IOC.

FDOK a keda representá dor di e Presidente sr. Rignaal Francisca, sr. Roy Bottse i nan team di 2 abogado di Laussanne, Suisa.

Segun por a komprondé di nan e tabata un dia difísil i ku a dura hopi largu ku un break mèrdia mei mei di e seshon. Hues a yega n’e desishon ku FDOK mester manda un proposishon dentro di un luna pa KOI i purba yega na un akuerdo ku nan. Si partidonan no yega na un akuerdo ku otro, Hues lo duna su sentensia riba e kaso.

E punto ta ku IOC no ke rekonosé Korsou di manera ku Korsou no por partisipá na Weganan Olímpiko. Esaki t’e motibu ku Korsou (FDOK) a hiba KOI dilanti Korte pa Korsou por risibí rekonosementu di KOI.

Aruba si ta rekonosé dor di KOI i por partisipá na Weganan Olímpiko. Esaki pa motibu ku Aruba a wòrdu rekonosé promé ku e statutonan a kambia.

E kambio ta enserá ku ta un pais independiente so por wòrdu rekonosé dor di KOI. Korsou ku a bira outónomo den Reino despues di e kambio a pone ku KOI no a rekonosé pais Korsou. Ta interesante pa wak ki e konklushon di e kaso aki lo ta aki 1 luna.