Grupo di hoben conoci pa Polis tabata tira baranca y a comete destrucion na varios auto dilanti Centro di Bario Dakota

Diaranson den careda di 9’or y 15 presencia di Polis a wordo pidi, durante un wega di futbol, n’e veld di Centro di Bario Dakota. Pa motibo di mandamento di banda baranca riba algun hungador di futbol y cometiendo destruccion na varios auto.

N’e sitio nan a bin compronde cu un grupo di hoben conoci pa Polis, enberdad a yegada n’e veld, e hobennan a yega na den un pickup Mitsubishi shinishi cu preto y tambe riba dos scooter sin plaachi number.
Nan a cuminsa manda e hungadornan riba veld cu baranca, den e mandamento di piedra, un di e hobennan aki lo a comete destruccion na un auto of mas auto.

Segun un of mas testigo un di e hobennan te hasta a saca un arma di candela mustra nan. E personanan n’e sitio a splica Polis cua t’e hoben cu a comete e destrucion, tabata trata di un conocido di Polis. Polisnan n’e sitio a pidi pa refuerso di un patruya mas p’asina nan bay n’e cas di e sospechoso.

Despues di un rato Polis a yega n’e cas di e hoben den Pindastraat. Den cura di e cas, nan a bin topa cu e pickup staciona den e cura di e cas.

E Polisnan a trata pa mira si e hoben boluntariamente lo sali for di e cas, pero sin resultado. Polis a rondona e area por completo pa evita cu e hoben lo por huy.

Despues di un rato e patruyanan cu tabata n’e sitio, a sigui nan caminda.