Sistema Operativo nobo di ATM di CMB

Caribbean Mercantile Bank N.V. (CMB) kier anuncia na su fiel clientenan cu recientemente a introduci un “update” riba sistema operativo di tur su machinnan di lanta placa y ATM.

Kico esaki ta nifica? Tur e servicionan di ATM lo keda vigente, pero e sistema nobo lo guia’bo den un forma mas facil p’asina nabega mihor ainda tur e opcionnan cu tin na bo disposicion.

E ta nobo, y podise lo tuma un rato pa custumbra, pero nos ta sigur cu bo lo disfruta di tur e servicionan cu nos sistema nobo di operacion tin di ofrece.

Nos ta gradici’bo pa escoge nos como bo banco!