Departamento di Recherche hunto cu Ministerio Publico cu accion grandi den Caya Saint John

Diabierna algo prome cu 5’or y mey, Team di Recherche, Polis di San Nicolas y hunto cu Ministerio Publico a haci un entrada hudicial na un cas den Caya St. John y a detene un señora.

Durante e entrada hudicial por a mira un cantidad di Polis y Recherche n’e sitio, e cayanan a wordo sera p’asina Polis por a haci su trabou den tur trankilidad.

Segun nos a compronde cu ta for di oranan di mainta caba, e teamnan aki tabata bezig cu accionnan aparentemente relaciona cu bendemento di droga riba caya y den cas. Como 4 persona a keda deteni y un cantidad di droga a keda confisca. Autoridad trahando duro pa trata na kita droga for di riba caya.