Pa: Bo sirbidor Eric Ras Partido Curpa.
Dialuna prome di maart 2021 nos por a mira of a tende cu e codigo civil di Aruba a wordo aproba cu 17 voto na fabor y 4 vota contra. Nunca nos por a biba imagina cu nos Parlamentarionan a yega n’e nivel aki caminda no tin temor di Dios y ta bay contra di e boluntad di Dios. Nos Parlamento como organo mas halto a duna e impresion cu Aruba no ta kere den Dios.
Aruba pa añanan ta reconoci pa ta un isla caminda gran parti ta di fe Cristian. Estadista ta mustra cu mas 90% ta di fe Cristian, di cual 82% ta Catolico, 8% ta Protestant y 4.1% ta Evangelista. Nos ta biba den un mundo modern, pero esey no ta haci cu nos mester sigui e malo den su maldad.
Nos problema social ta hopi grandi aki na Aruba y ta haci cu hopi cos ta bay malo aki na Aruba. E nucleo familiar ta hopi importante pa nos sociedad. Den cada hogar aki na Aruba mester reina e paz y e amor di Dios. Unda e paz y amor di Dios ta reina nos lo mira e stablidad y e progreso di e famia. Un hogar asina lo florece y no tin lugar pa violencia. Si nos kier mira un cambio aki na Aruba anto nos mester zorg pa fundeshi familiar ta solido.
Na nos hermana isla Curacao partido MFK tabata e unico partido politico cu a para pa nucleo familiar y bin resulta den e partido ganador di eleccion. Aki na Aruba e unico partido cu ta para p’e famia y ta kere den Dios ta partido CURPA.
Pesey mes nos di partido Curpa ta invita e pueblo Arubano pa uni cu partido Curpa p’asina trece e cambio cu nos pueblo ta desea.
