Cinco persona deteni na un adres na Tanki Leendert durante Toque de Queda

Diadomingo laat despues cu e orario nobo di TdQ a cuminsa cu ta 10’or, Polis a wordo solicita na un adres situa na Tanki Leendert.

E asistencia tabata relaciona cu un doño di un cas/apartamento lo no tabata desea un grupo di hende extra den su lugar.

Pues posiblemente e grupo di persona aki lo bin serca un persona kende lo ta huur un apartamento y nan lo a keda.

Esaki lo no a cay bon serca e doño y a pidi asistencia di Polis, cu a yega na hopi e adres. Eynan a bay over na detene 5 persona, dos dama y tres cabayero. 

A pidi transportwagen y na yegada tur cinco a wordo hinca den e vehiculo cu a transporta nan pa Warda di Polis.

Asina nos por mira cu algun persona no ta tumando e reglanan di e Pandemia aki na serio. Awor nan lo por of lo haya un boet di 1000 florin cada un.