Dicon politiconan di Caribe Hulandes ta contra Hulanda

Con bo ta haya e reaccion awe di e politiconan di Caribe Hulandes contra Hulanda? Tur e añanan cu e politiconan por a yena saco y crea debe pa cu e pueblo niun musca no a bula awor cu Hulanda a medio puntra pa nan responsabilisa nan mes awor di ripiente ta colonialismo.

Awor di unda e politiconan aki ta sali pa bin cu reaccion asina den nomber di pueblo sin cu a consulta cu e pueblo pa ofende Hulanda di e estado aki? Ta ken t’e sin berguensanan, e politiconan cu a yena saco goza di e situacion pa añas largo y pone pueblo na rudia pa paga pa loke nan no a maneha como debe ser of un Hulanda cu na mi parecer tin tur su derecho di cuminsa pa busca kico ta sosode cu su placa cu e ta pomp den e economia aki banda sin cu ta mira unda e placa aki ta wordo usa pe.

Shonnan ta bira tempo pa cuminsa habri wowo y no acepta tipo di cosnan asina mas y aki tambe cuminsa busca p’esnan responsabel responsabilisa nan mes riba nan maneho y na unda a usa e placanan. Play balente no ta yuda nos cu nada.