Elements Restaurant ta presenta nostalgia cu su unico Buffet Autentico Arubeño & Caribeño

Elements Restaurant, situa na Bucuti & Tara Beach Resort, ta orguyosamente revela su Buffet Autentico Arubeño & Caribeño, disponibel tur dialuna te cu diasabra di 12:30 – 3:00 di atardi. Tur diadomingo e restaurant ta continua cu su famoso Sunday Brunch.

“Nos kier a replica un menu autenticamente Arubeño cu, cu cada hap, ta trecebo bek na tempo di bo infancia. Nos kier pa bo recorda e sabornan di e platonan traha dor di bo mayornan of welanan. Pa nos clientenan internacional, nos kier pa nan disfruta di un experiencia culinario tradicional y cultural.”

Ewald Biemans, doño/CEO di Bucuti & Tara Beach Resort, ta splica. Executive Chef Marc Giesbers, Director di Food and Beverage, y su team di chefnan local y Caribeño a traha duro pa re-imagina bo experiencia gastronomico local. E menu rotativo tin tur cos, di pan bati te cu funchi fries, banana hasa, arepa, scabechi, seafood salad, aw’i playa, sancocho, sulz, porco tempera, sanger yena, concomber stoba, papaya stoba, carni of galiña stoba, jerk chicken, seafood paella Caribense, un pasta station, y diferente desertnan como quesillo, bolo di cashupete, bolo preto, tres leches, aroz con leche, y hopi mas!

“Nos team ta increiblemente diverso y esaki ta wordo destaca den nos buffet. Banda di nos platonan tradicional local traha dor di nos chefnan Arubeño, nos tambe ta ofrece varios plato Caribense traha dor di nos chefnan Jamaiquino, Dominicano, Haitiano, Colombiano y Venezolano.

Cada chef ta concentra riba traha un receta autentico di nan region, iluminando e delicioso sabornan cu nan ta corda den nan infancia.”

Chef Marc ta splica. “Nos tambe ta haye sumamente importante pa apoya nos agricultornan local lo mas cu nos por. Nos surtido ta keda cambia pa inclui ingredientenan local cu ta den temporada of cu por wordo importa di regionnan serca.”

Elements Restaurant, cu ta ganador di varios premio internacional y cu ta solamente pa adulto, lo continua di ofrece su surtido amplio di menunan pa por complace tur necesidad nutricional, locual ta 3 inclui platonan vegano, vegetariano y gluten-free. Corda tambe cu tur atardi por reserva nan cena romantico pa dos den un di nan cabananan priva. Clientenan por disfruta di nan cuminda cu un cocktail of mocktail Caribense, mientras nan ta disfruta di e bista spectacular di Eagle Beach riba Elements su deck na aire libre.

Reservacion ta wordo recomenda y tene na cuenta cu e restaurant no ta acepta gruponan mas grandi cu seis persona y no ta tuma cash (solamente credit of debit cards). Pa reservacion, bishita www.elementsaruba.com of yama +297 583 1100.