Gabinete Wever-Croes a firma carta di entrega di retiro na Gobernador

Awetardi por medio di media di Gabinete Wever-Croes, Prome Minister Evelyn a anuncia cu a firma e carta den cual e gabinete a solicita pa entrega nan retiro na Gobernador di Aruba y asina disolve Parlamento. Esaki a base di e hecho cu algun tempo pasa a drenta un MOT-melding (melding ongebruikelijke transactie) na Ministerio Publico, pa loke ta trata ‘cierto iregularidadnan’ referiente na maneho di placa riba cuenta bancario di un fundacion di e fraccion di POR den Parlamento di Aruba. Na man di investigacion di Landsrecherche di Aruba, a yega na un sospecho di malversacion di placa. Debi n’e desaroyo aki, Premier Evelyn Wever-Croes y gabinete respectivo a dicidi di tuma e decision di mas extremo aki. Investigacion di Landsrecherche ta sigui.