Exitoso dianan di informacion tocante estudio pa alumnonan di Caribe Hulandes

Despues cu tabatin un promé secion digital pa alumnonan di HAVO, VWO en SBO/MBO-4 riba dialuna 9 y diárason 11 di novèmber 2020, StudyChoiceCaribbean a tene un secion mas riba dialuna 8 y diárason 10 di maart, special pa alumnonan cu kier sigui cu nan estudio riba nivel profesional intermedio.
Tabatin 35 presentacion di scolnan di MBO/SBO/EPI/NIPA y varios organisacion cu ta duna estudionan y entrenamento interno, manera e.o. Polis, Kustwacht, Cuerpo di Bombero, Hospital.

E enfoke tabata riba e posibilidadnan pa sigui un estudio profesional riba un di e seis islanan di Caribe Hulandes.

Mas o menos 300 alumno di Aruba, Bonaire, Curaçao, Saba, Sint Eustatius y Sint Maarten a sigui e presentacionnan interactivo di 45 minuut y na final di cada presentacion a haci nan preguntanan directamente n’e scol of organisacion cu tabata presentando.


Mientrastanto tur presentacion ta acesibel riba e website www.studychoicecaribbean.com Asina ta duna scolnan e oportunidad di (bolbe) wak e presentacionnan den e klasnan, pero alumnonan por wak nan cu nan mayornan tambe.

Nos ta orguyoso di e grupo grandi di alumno cu a tuma parti den e evento digital aki p’asina haya informacion tocante e estudio cu ta dirigi riba nan talentonan. Nos ta spera cu e evento ta yuda nan haci un bon escogencia. 

Despues di e dos seccionnan, di november 2020 y maart 2021, na tur tin 45 ora di video riba e website, parti den 90 presentacion. Casi 750 alumno a participá n’e evento. E intencion ta pa ripiti e evento aki tur aña. 

 
E team di StudyChoiceCaribbean

Bishita e website: https://studychoicecaribbean.com/