‘Chusma’ Curasoleño a violá menor di edat (13)

WILLEMSTAD – Diamars mainta Fiskal dje tribunal regional na Midden-Nederland a kondená e hoben Curasoleño ‘Lucho’ B., na 18 luna di kastigu di prizon pa violashon seksual di un mucha muhé di 13 aña den su kas.

No solamente e mucha homber a violá e mucha muhé sino ku el a graba e violashon tambe meskos ku el a hasi ku diferente otro mucha muhé Hulandes na Almere i na Rotterdam pa despues chantagiá nan. Pa straño ku por parse, pe kargo e tribunal a apsolve e ‘piece of shit’ ku a hasi e kos askeroso aki.

Fiskal a pidi 3 aña di kastigu di prizon, pero e tribunal a dikta mitar dje demanda.

E kaso  di Korte a tuma lugá diamars mainta na Lelystad kaminda a presentá Lucho B., di 20 aña dilanti Hues. Foi oktober aña pasá e kaso ta bai-bin riba agènda dje tribunal, pero awe number dje bagamundu a hunga i a kondené.

E violashon mes a tuma lugá dia 29 di yuni aña pasá na Almere tempu e mucha tabatin 14 aña.

Kurioso den e kaso aki ta ku for di 17 november 2019 te ku 1 desember 2020 e menor di edat tabata den e kas kaminda e akusado ta biba i kaminda a fotografiá su presensia den posishon di akto seksual ku Lucho a filma  ilegalmente ku e mucha muhé den baño i despues den biblioteka di Almere.

Despues di tur esaki ora e mucha muhé no kier a paga pa Lucho no pone e imagennan riba internet, el a menasá ku e ta batié mata.

Riba e punto di grabashon dje akto seksual, Korte a eksonerá Lucho, pasobra no tabata kla si e mucha muhé tabata sa of no ku Lucho tabata film’é.

Loke sí el a konta ta ku den outo Lucho a tapa su kara i den kas a mand’é bai drumi riba kama pe mishi kune pero el a ninga. Ne momentonan ei un hende a yama e viktima na telefon i el a kontesta ku e ta sali mesora, pero Lucho a bisé ku e no ta bai ningun hende sin promé nan “hasi e kos”.

Kategorikamente e mucha muhé a bisé ku e no ke hasi sèks, pero ya Lucho a bisti kondon.

Dado momento ora e mucha kier a lanta bai Lucho a rank’é benta riba kama i viol’é.

Tabatin un testigu dje kaso ku tabata den e kas ku a tende e mucha muhé ta yora i ora ela kore bai den e kamber ela mira e mucha muhé sunú den baño.

Riba e pregunta dikon e ta yora ela kontesta ku un tipo Rasta a kaba di viol’é.

DEKLARASHON DJE AKUSADO

Lucho mes a deklará dos siman pasá i a konfirmá ku ela hasi un sia ku e mucha muhé pa topa na su kas.

Nan a bai su kas pa bai “chill” den kamber, pero Lucho a insisti ku e mucha muhé ta gaña ku ela violé.

Den un buèlta inespera dje kaso, e abogado defensor di Lucho a pidi Korte pa laga hasi prueba ku Lucho ku su penis por a lastimá e mucha muhé, pero e tribunal a rechasá e petishon.

No ta kuestion kon grandi su penis ta of laga sino ku el a penetrá e mucha muhé kaba.

CHANTAHE

Desèmber di 2019 Lucho a kuminsa menasa e mucha muhé i pidié plaka pa e no revelá e grabashon.

Riba e grabashon por mira e mucha muhé ku su boka na penis di Lucho.

Asina Lucho a bin ta kita kada bes sumanan di 50, 70 i 100 Euro for di e mucha muhé i finalmente a pone e grabashon tòg riba Internet.

Ora a yega momento di Fiskal el a pidi 3 aña di kastigu pa Lucho, pero e tribunal a baha esaki na mitar.

Wèl nan a pone kondishon masha severo pa nunka mas Lucho hinka den su kabes di tuma kontakto ku e mucha muhé, kende te awe tin molèster di hendenan ku ta yama na su telefon pa hasi opservashon denigrante.