Hyundai Getz a bolter riba Avenida Nelson O. Oduber

Diamars algun minuut prome cu mey anochi, riba Avenida Nelson Oduber/Sasaki, un auto a baha caminda y a bolter.
Tabata trata di Hyundai Getz color blauw maneha pa un dama, kende a caba di traha, y tabata bayendo cas.

E auto tabata bayendo direccion zuid y un poco mas panort di rotonde Superfood posiblemento lo a dal den un di e buraconan grandi cu tin riba caminda aki y a perde control, baha caminda na su man robes y a bolter.

E dama no tabata herida y tampoco no tabata desea di haya asistencia medico n’e momento ey. Polis a presenta y despues di a tuma tur dato a sigui pa un otro asistencia. Takelwagen a wordo pidi pa takel e auto y Forensys a keda sigui atende cu e chauffeur.