Mi Hardin, proyecto di Kiwanis Club San Nicolas

Dia 19 di maart cu a pasa, Kiwanis Club of San Nicolas (“KCSN”) a lanza un proyecto cu ta desea di ehecuta anualmente. Ta trata aki di un proyecto pa stimula mucha & hobennan pa planta, educa nan riba e tema (diferente mata, cosecha, etc.) y siña nan con pa mantene un hardin.

E proyecto aki ta uno cu ta cumpli varios meta di e Club y pa nos comunidad.

E prome parti di e proyecto aki a wordo ehecuta na Colegio Hilario Angela unda cu KCSN y su boluntario nan a sa di construi 2 mesa di picnic, 1 banki & 1 schuur di palo. Esaki pa por a aporta na haci e hardin di e scol uno mas completo, atractivo & leuk p’e muchanan.

Kiwanis Club of San Nicolas kier a extende un palabra di gradicimento na tur su boluntarionan, su miembronan y specialmente n’e sponsors & esnan cu un manera of otro a colabora cu e Club cu e proyecto aki.

Follow nos Facebook Page: “Kiwanis Club of San Nicolas”, wak e video di e prome parti di e proyecto aki, y asina keda na altura pa mas di “Mi Hardin”.

Si bo persona ta interesa di forma parti den e proyecto, tuma contacto cu nos via nos Facebook Page of email nos na KiwanisClubSN@gmail.com