Ata RDA cu un raport forensico riba Richard Arends

Ta hopi peculiar cu despues di 3 aña e famoso raport forensico riba RdA a keda cla algun luna prome cu eleccion. E contexto den cua e raport a wordo traha ta pas den e liña di un campaña di difamacion di un contrincante politico.

Despues di a wordo aserca pa coopera n’e investigacion aki 2020, Richard Arends no tabatin necesidad pa atrasa ningun marcha.

“Mi interes hustamente tabata pa coopera pa aclarea hopi punto cu tabata wordo treci dilanti.

Un investigacion forensico obhetivo no por depende di cooperacion niun hende p’e wordo haci. Contestanan tabata wordo duna den e terminonan acorda, pero a ripara cu e investigacion aki tabata sirbi solamente metanan politico”, segun Richard Arends.

“Un maneho diferente den un empresa estatal despues di cambio di gobernacion, no ta nifica cu e maneho di e accionista of directiva anterior tabata robes. Si mi sigui Prome-Minister su argumentacion: Ora ta trata otro ta ‘mismangement’; pero e gastonan y compromisonan cu nan mes ta haci, si ta ‘hustifica’ manera e.o. contrata bufete di abogado of exonera un operador pa su debernan contractual”, tabata comenetario di Richard Arends.

Interesante pa sa ta, cuanto placa a paga p’e raport aki y kico tabata e meta, net awor prome cu eleccion. Richard Arends ta nenga tur acusacion, y ta kere cu mester publica cuanto placa tata di Prome Minister Evelyn Wever Croes mes a cobra den tur e desaroyo aki.

Si Gobierno ta haya cu algo a bay robez, bay Ministerio Publico. Ministerio Publico tin hopi trabao pa haci, cu uso di placa di Fase, dor di Minister Glenbert Croes, cu ta si ta hole na corupcion.