Diasabra 10 di april 2021, Santa Misa na Kapel di Alto Vista y na San Nicolas den Kapel di Cas Curason di Maria (Blue Army) lo resa Santo Rosario

Diasabra 10 di april 2021 Santo Eucaristia ta cuminsa pa 7 or di mainta na Alto Vista , prome ta resa Santo Rosario pa 6.15  “Misterio Gososo”, despues ta resa Salve Regina.

Ta invita tur fiel pa asisti diasabra 10 di april na un Santo Sacrificio di Misa. Mama Maria a bisa na Fatima n’e tres wardadornan, “Tene abstinencia y haci obranan di caridad pa haya Indulgencia Plenaria.

Laga nos bay diasabra mainta tempran, pa hunto cu pastoor Huancho nos ofrece un ora pa Cristo. Asina nos ta asisti n’e bunita ora den un biento fresco di lama, y resa pa tur esnan cu ta sufri di e pandemia cu ta azota mundo. Cada hogar ta sinti e afecto aki, cu no ta agradabel. Laga nos resa pa necesidad di Iglesia Universal, pa Papa Francisco, Obispo Luis Secco, tur sacerdote y diaconan.

Pa nos  Gobernantenan y tur cu ta carga responsabilidad pa nos pais Aruba. Laga nos resa pa enfermonan den hospital, cu pronto recuperacion.Pa tur cu ta tristo cu a perde un famia, of un ser keri. Hopi hende no tin un trabou fiho. Laga nos ta gradici Dios pa obranan ricibi. Dios manda pa tur esnan den necesidad spiritual y economico solucion pa nan por biba den trankilidad. Pa nos grandinan den cas y centronan pa enfermonan na cas, y den exterior cu pronto bolbe na cas.