Gobernador interino a bishita Kontraloria General

WILLEMSTAD – Gobernador interino señora Michèle Russel-Capriles, a haci un bishita di trabou na Kontraloria General di Kòrsou pa orientá su mes. Ademas di sera konosí mas aleu ku e kolegio nobo, a papia riba diferente tópiko relatá na Kontraloria, manera e metanan di e instituto, státus di e konsepto di ordenansa di Kontraloria i e kolaborashon ku kontralorianan den Reino i tambe internashonal. Tambe a papia tokante e investigashonnan ku Kontraloria lo hasi den aña 2021.

Gobernador interino a risibí un rekorido den e edifisio ku ántes tabata keda uzá pa konseho insular. Tantu Kolegio komo personal di Kontraloria a sinti nan mashá honrá ku e bishita di Gobernador interino.