Wardakosta a reskatá mucha muher den mondi na Bonaire

KRALENDIJK – Den tur e quehaceres intensivo pa kombati i evita mas kontagio di Covid na Bonaire, e siman aki nan a haña un tarea mas aserka pa un motibu inesesario, ya ku ta trata di un mucha muher ku a bai keiru ku su mayornan den mondi i a separá for di nan.

Ta solamente un ora despues ku a nota ku e mucha muher a pèrdè ku a alerta Wardakosta den kareda di 10:53 or i pa suerte nèt e helikopter tabata yegando Kòrsou di un buelo di patruyahe for di Bonaire i por a bolbe Bonaire mesora.

Mientrastantu e tripulantenan tabatin kontakto telefoniko ku e mucha muher ounke ku e komunikashon tabata fragmentá, pero asina mes e mucha muher por a indiká ku kaminda e ta e por mira outo di Polis.

Personal di Wardakosta a haña e mucha i a subié ku katròl bordo dje aparato i e tabata bon di salú aparte di poko dolor di kabes i tabata poko konfundi. Pero pa tur sigur a laga dokter eksaminé na hospital.