Gobierno nobo tin cu investiga RDA y envolvimento di Prome Minister Wever Croes den esaki

Un partido cu no tin argumento politico pa campaña cune, ta haci saltonan mortal y partido MEP y su lider Evelyn Wever Croes, ta sigui haci saltonan cu simplemente ta hole otro serie di mentiranan grandi.

Ya caba e lider di MEP y su partido a gaña tur su votadonan y pueblo di Aruba, na 2017 ora cu el a priminti pueblo cosnan nobo, cosnan bon y solucionnan sin medida, pero awor na final di e periodo di gobernacion, e unico cos cu pueblo a haya ta boshi mentira y boshi di medida.

Manera AWEMainta a señala caba, e enfoke politico di partido MEP ta dirigi riba e lider di AVP, Mike Eman y riba Richard Arends un hoben politico cu ta gosa di hopi confiansa den pueblo y cu a logra cosnan grandi riba tereno financiero di e pais.

Un estrategia cu ta dirigi pa faya por completo ya cu realmente partido MEP no tin argumento pa drenta cas di votadornan e biaha aki, ya cu tur loke a wordo priminti na 2017, net nada a wordo ehecuta of duna na pueblo.

Ya caba e plan magistral di lider di MEP, Evelyn Wever Croes pa sigura Hulanda cu e lo reduci cuido medico cu 60 miyon pa aña, ta birando un monster di disgusto caminda hasta votadornan di MEP y henter pueblo, ta sintiendo e efecto di e plan macabre aki.

Tur esaki pa motibo cu Evelyn y su partido no kier kita su hendenan for di trabou manera cu CFT y Hulanda a exigi p’e haci, pero al contrario, a sigui nombra hende te cu siman pasa ora cu a entrega e mandato bek na Gobernador.

Hendenan humilde, hendena cu no tin mucho entrada n’e momentonan aki, ta wordo sorprendi cu e medida macabre aki, ora cu nan bay busca remedi, ta wordo bisa cu nan tin cu paga p’e remedinan, ya cu t’esey Evelyn y partido MEP a haci.

Awor den porta di eleccion ta bin saca un raport forensico di RDA pa trata di mancha e nomber di Richard Arends den otro intento desespera pa influencia e ola di negativismo cu tin den pueblo pa partido MEP cu no a cumpli.

Ta tipo di maniobranan cu tin cu tira santo den wowo di pueblo caminda otro siman un biaha mas, prijs di gasolin lo bolbe subi, anto tur esaki durante di un Gobierno di MEP cu a sigura pueblo na 2017, cu e lo importa gasolin, barata.

Caminda entre otro Minister Glenbert Croes a papia di core un pipa di gas for di Colombia te na Aruba p’asina yuda reduci gasto di coriente y awa, pero cu nunca mas MEP a papia ‘riba.

INVESTIGACION

Ta na su lugar p’e proximo Gobierno cu sinta na luna di juni benidero, inicia un investigacion profundo di e maniobranan cu Gobierno ta mal usando RDA n’e momentonan aki, riba e forensic raport aki, ya cu ta imposibel pa un RDA cu su cuentanan anual di tanto 2016, 2017 y 2018 a wordo aproba y awor e mesun RDA aki ta bin cu algo asina ridiculo cu lo tin cosnan cu no a bay bon.

No solamente ese,y pero Prome Minister ta bay medio di comunicacion cu ta sostene partido MEP na Eagle, pa hunga e wega macabro aki, pa trata di influencia e opinion publico contra di partido AVP, sabiendo cu e maniobranan aki no tin sentido.

Mester bin un investigacion profundo y hasta uno penal, pa analisa e rol cu Prome Minister  y lider di MEP a hunga den henter e proceso di anula e contact cu CITGO y otro desaroyonan manera e envolvimento di e oficina di abogado na cual e lider di MEP tabata afilia, cuanto e bufete aki a gana cu e maniobranan cu a bin ta tumando lugar den RDA.