Hues a dikta pago di sumanan fuerte pa pistoleronan na Chon Sin Snack

WILLEMSTAD – Den e kaso kaminda Hues a dikta kastigunan di prizon di 30 aña pa pistoleronan ku a escenifiká un ‘Wild Wild West’ banda di Chon Sin Snack dos aña pasa, Hues a dikta pago di kompensashon tambe p’e famianan

Pa famia Noor Korte a aprobá pago di e suma di Nafl. 9.773,19, sobrá suma demandá pa daño i perwisio na rason di Nafl.38.443,43 Korte no a atmiti.

Pa famia Dolorita e suma di Nafl. 6.357,97 a keda honra pa daño i perwisio, siendo e suma di Nafl. 20.000,– no a haña aprobashon den e kaso di Dolorita. E siudadano perhudiká M. St. Louis-Forcilus, a keda honrá ku e suma di Naf. 8.225,00 di daño i perwisio. Enfin tur esaki di akuerdo ku e sentensia diktá p’e HUes señora mr. H.G.Eskes, dia 8 di aprel 2021.