Union Caribe no tin nodi di duna RBC Bank dato di nan selashi

WILLEMSTAD – E veredikto ku Korte a tuma resientemente den e wisio sumario entre Union Caribe ku ta manda plaka di klientenan lokal pa eksterior i RBC Bank, ta ku e banko no por sera kuenta dje ofisina di manda plaka afó.

RBC a pidi Hues pa dado kaso nan pèrdè e kaso nan tin ku duna e banko informashon riba e transakshonnan ku e kompania a hasi.

Hues a rechasá e demanda ei, pero a nota ku Union Caribe ta dispuesto di duna informashon basta e petishon ta rasonabel.

Hues no a haña ku mester bai asina leu ku dta ordená nan pa duna informashon na RBC.

Komo tal RBC lo tin di paga e gastunan dje kaso sivil i nan tin ku duna servisio normal na Union Caribe ‘so pena’ di pago di 2500 florin pa kada bes ku nan faya ku e veredikto te un maksimo di NAf 250.000.

RBC tin ku paga e gastunan di abogado di Union Caribe kalkulá riba 1500 florin i 450 florin pa pone e kaso riba agènda di Korte.