Ciclista y motociclista a resulta herida

Diasabra anochi pa mas o menos 7:30, Polis a bay Arendstraat pa un accidente entre un bromer y un bicicleta.

Na yegada, Polis a topa cu algun hende rond di esnan herida. Riba e piso por a mira hopi mancha di sanger, esaki tabata debi cu e motociclista a corta su pia drechi seriamente.

Mientras riba suela, e ciclista tabata sinta y por a mira cu el a ricibi sla na su cabes parti robes. Segun e ciclista a bisa Polis e tabata bayendo direccion rotonde Belgiëstraat ora cu e accidente a sosode.

Dos ambulance a presenta y a transporta ambos cabayero pa Hospital, ambos tabata herida, pero no di gravedad. Polis di Trafico a presenta y a tuma tur dato.