Mester bay Marinebasis Parera pa segundo dosis

WILLEMSTAD – E kampaña pa konvensé pueblo di Kòrsou pa bai bakuná  tin un promedio di eksito hopi rasonabel, pero ainda por mihó. Sigur si tene na kuenta ku bakunashon ta uniko salida for di e pandemia aki.

Den fin di siman a yega 30 aparato di hala rosea huntu ku e personal paramediko i medikonan i mester bisa ku Kòrsou t’e uniko isla den Karibe ku tin e fasilidat aki. P’esei no porefnatisá sufisientemente p’e hendenan ku no a disidi ainda si nan ta bakuná, pa tuma un desishon i registrá primermaente i kumpli ku ke sita pa logra ku pa fin di luna a bakuná maske ta 90.000 hende i asina nos isla a pasa e drempel kaminda tin mas siguridat ku Kòrsou por gana e bataya kontra e virus.

Di akuerdo ku e organisadónan dje kampaña bou di direkshon di dr. Jerry Semper, nos falta alrededor di 80 pa 90 mil hende ku ta bin na remarke ainda pa haña bakuna. Te ku djasabra a bakuná  komo 20.000 hende i si bakuna 2500 hende pa dia den 16 dia ku ta keda pa yega 5.000 siendo kapasidat pa fin di otro siman ta bai subi ku 4000 ekstra pa dia.

E fasilidatnan  naSDK ku WTC kada un ta kla pa bakuná 3500 kliente ku yega, pero si nan no bin no ta logra bakuná 90.000 hende pa fin di luna. Un detaye interesante: Si pone tur hende ku por bakuná den fila tras di otro – pa fin di september a bakuná tur hende pa prome biaha. Esei ta masha imporante pasobra for di despues di e promé inyekshon e ta duna e siudadano protekshon pa 80 porshento kontra e virius, sea e ta infektá of laga, tumando na konsiderashon e periodo intermedio entre e promé i i dos shot kaminda e prome shot ta proteha e persona bo pa 80% kaba.

E porsentahe aki ta duna outoridatnan mediko un bentaha i hasta  den e kaso aki a surpasa e kalkulashon sientifiko ku tin un efektividat di 80%. Na Marinebasis, militarnan ta yuda ku parti logistiko i nan ta prik hendenan den nan sporthal i kordinadónan ta hopi satisfecho ku nan yudansa pasobra e militarnan ta yuda hende di manera masha efisiente. E orario ku nan a apliká na Marinebasis Parera ta di 8’or pa 12’or i henter siman el a kana masha ordená-

Pa fin di aprel tin planea pa Korsou kompleto haña e prome bakuna. Na final 120.000 hende total tin ku bakuná i kada bakuna tin fecha i nomber di tur hende i algun ta den frízer aki i algun ta na Hulanda pero nan nomber ta riba e bakuna sí. Inisialmente e  bakuna ta pa hende ku ta biba na Korsou pero hende ku ta studia na Merka si e presenta pa haña bakuna, ta atendé igual.

E dolór ta sinta den logra reuni un grupo grandi pasobra hopi hende no ta kompronde kiko ta pasando. E grupo ku ta konfia ta grandi, pero no ta kompronde i a basilá pa tuma desishon. Un kos por bisa i esei ta lamentabel: tin hendenan ku pa motibi di kreensha politiko pasobra nan ta kere Donald Trump a bisa ku ta ko’i kens pa bakuná of pasobra nan a kere ku e bakuna a hasi nan daño, mester bisa ku tin kasonan registrá di hende ku a muri, pasobra nan a haña e infekshon i a muri pasobra nan no a bakuná. Esei te kaso aki na Kòrsou definitivamente solamente ku outoridatnan no ta revelá nomber i kousa di morto pasobra nan ta respetá privasidat dje famianan. P’esei ta importante pa tur hende ku sí ta konvensí ku bakuna te uniko salbashon ku nos tin, mester duna un man pa hasi hendenan konsiente di urgensia pa hendenan registrá pa bakuná. Te ku djasabra a registrá 58.000 hende, pasobra ta masha importante pa habri ekonomia.