Boto a yega sin cu radar a capt’e: a gara mas di 10 ilegal na Sero Colorado

Diadomingo anochi rond di 10:00 pm a drenta informacion di yegada di varios persona na tera den zona di Sero Colorado. Inmediatamente a despacha diferente unidad p’e sitio y a duna inicio na un accion di buskeda.

E esfuerso di autoridadnan local a duna su fruta cu detencion di 11 persona, 9 hende homber y 2 hende muher, kende a purba di drenta nos isla di manera ilegal. Varios di nan ta cara conoci, pues a deporta nan di Aruba caba recientemente, y awor kier bolbe pero den forma ilegal.

Pero loke ta hala atencion ningun di e radarman cu tin, ni Wardacosta cu mester patruya rond di e.o. Aruba no a detecta net nada.