Den un kaso di herensia na Saba, Abogado a pone beslag riba parti di benta di kas

WILLEMSTAD – Diabierne awor Korte di Hustisia Komun na Kòrsou lo trata un kaso kaminda repartishon di produkto di benta di un kas na Saba ta sentral. Saba no a un isla ku problemanan sosial, ekonomiko i politiko manera na Kòrsou i Aruba, pero nan ta firmemente pará ku ambos pia den siglo 21 ku tur su kolornan di kabes di un munisipio chikitu i moderno.

Esei a keda manifestá e dianan aki na momento ku tin kulminashon di un pleitu huridiko entre abogado den un kaso di repartishon di herensia i e herederonan ku no ke paga e abogado i esaki a pone beslag riba e parti ku e ta konsiderá ta toka su persona ora e momento yega ku ke futuro kumpradó pone plaka riba mesa.

Un bon kas na Saba ta karu: Foto dje kas ku ta kompañá e relato aki ta na venta pa 1.5 mion dòler riba merkado internashonal. I kasnan ku na Kòrsou lo a bende pa un suma na florin, ta bende pe mesun suma pero na dòlar!

Ta ayera mainta Korte di Hustisia Komun a publiká den ki fase e litigio legal entre e abogado ku tabata atendé e herensia pa e tata difuntu a keda pa purba di kulmina e problema legal dia 23 proksimo den Korte aki na Korsou.

E kaso tin di haber tambe ku reglanan di komportashon pa abogadonan na Islariba kaminda aparentemente sa apliká e regla di kustumber ta bira lei.

Originalmente e abogado ku tabata atendé e kaso p’e persona ku a muri i laga e kas komo herensia tabata abogado mr. Moeniralam, kende mientras tantu tambe a bin fayecé despues di un karera impreshonante komo abogado den nos pais.

Pero esei ta otro detaye

Partidonan den e kaso di herensia ta herederonan dje difuntu kendenan tin abogado mr. R.E. Duncan komo nan representante den Korte.

Inisialmente tres heredero a presentá den e kaso, pero un di nan a muri i su 3 yiunan a tuma e kaso over.

Korte mester disidi awor ken tin rason den e diskushon ken tin ku haña kuantu porsentahe ¡dje herensia ora bende e kaso.

Apoderado dje difuntu tabatin un areglo ku un dje rumannan ku e lo kobra 20% dje preis pa kual lo bende e kas plus otro 20% di e alkiler ku e kas lo produsi.

E areglo aki lo kuminsa kore ku forsa retroaktivo for di 15 aña pasá  pa su trabou di laga hasi e kas liber di inkilino, gastunan ku el a hasi i lo  a hasi den futuro na benefisio dje herederonan i repartishon dje suma di venta.

E apoderado tabatin akuerdo ku tres dje herederonan, kendenan no tabatin moda di paga e apoderado kende na kaminda a topa piedra riba su kaminda pasobra  varios dje herederonan a haña ku e ta bai benefisia demasiado i kier sali for di e areglo.

Pero aparte di poko pago insidental na 2008, 2012 i 2013 i komo  NAf 12.500,- kèsh e no a haña mas pago i ta p’esei ela pone beslag riba e kas.

Korte a laga kita e beslag, pasobra no a konvensé Korte ku esnan ku a firma e akuerdo ku e apoderado, a papia pa tur heredero.

INDESEABEL I INASEPTABEL

Den un komentario pendiente e veredikto final e tribunal a konsiderá ku den un sosiedat sivilisá tin sierto prinsipionan legal ku ta rechasá tipo di areglonan asina.

Na promé lugar, pasobra lei no ta pèrmiti pa abogadonan apoderá di bienes riba kual tin un proseso andando den un kaso dje teritorio ku den e kaso aki ta Saba.

E apoderado tin su bufete na Sint Maarten ku tabata forma parti di Antia meskos ku Saba, pero ta for di Antia tabata atendé kasonan pe isla chikitu of Huesnan stashoná na Sint Maarten tabata atendé e kasonan.

T’esei a pasa den e kaso aki. Ta  bin aserka ku e palabrashon tabata pa haña parti dje suma ku herederonan Lake lo a kobra entre 2006 te ku 2012 lokual etikamente no ta aseptabel.

E proseduranan a kuminsa for di 15 aña pasá i bou di tur sirkunstansia tur prosedura mester sosode den un ambiente di total imparsialidat i honestidat di parti di Korte di Hustisia.

Mester evita kalke duda ku tin konflikto di interes den un kaso asina ku personanan envolvi den e proseso tin sierto interes den e desishon final.

Den e kaso aki e abogado dje difuntu i pa un parti dje herederonan mester separá su interes personal estriktamente for di su komportashon profeshonal i no ta permiti pa e abogado tin interes finansiero den e prosedura.

Regla ta ku ta paga un abogado pa su servisio a base di oranan ku ela traha pero no por ta asina ku e ta tuma un vorskot finansiero komo garantia pa su pago.

Den e kaso aki e garantianan ei no tei. Si e kaso kaba bou dje kondishonnan ku e abogado a regla ku algun heredero e lo a kobra 35.000 dòler i esei lo a inaseptabel.

Ta kasi-kasi manera t’e abogado lo a heredá tur kos i loke sobra e ta parti ku e herederonan.

Korte a deklará ku e palabrason ta nulo i no valido, pero ku otro siman ta bai diskuti kiko e abogado por kobra pa su trabou ku ela bin ta hasi tur e añanan ku a pasa i pa kual no a pag’è manera debe ser.