Detencion a cuminsa cay den Caso Avestruz. Ayera a detene e di dos sospechoso, den persona di Jeff Franken

Ayera pueblo a lanta cu masha pregunta, despues di a tende cu Landsrecherche hunto cu RST a detene e dama Rebecca R., yiu di Leoncita Arends como sospechoso den caso Avestruz. Despues mas den dia a cuminsa circula informacion cu a detene Benny Sevinger y tambe Leoncita Arends. Ministerio Publico a desmenti e informacion aki, pero si  a admiti cu un di dos sospechoso a keda deteni den persona cu Jeff Franken.

Ministerio Publico no kier admiti cu henter e proceso aki ta crea un persepcion, cu net awor cu tin otro eleccion na caminda cu ta “jaag” riba e hendenan di AVP, pa trata di perhudica AVP den proximo eleccion. Pero e pensamento aki ta biba den comunidad. Pasobra despues di como aña di e prome entradanan hudicial, autoridad a cuminsa haci prome detencion of detencionnan. Te cu diadomingo ultimo, tur esnan cu a ser considera sospechoso, no a ser ni sikiera interroga.

E sospechoso Rebecca R. su nomber a ser menciona tambe for di un principio, pero ningun dia a keda deteni y sigur no a wordo interroga. Su envolvimento ta den terenonan comercial cu a ser bendi.

Ayera den oranan di mainta personal di Landsrecherche a presenta na un cas y aki nan a detene e homber Jeff Franken. Den pasado e tabata hopi yega na e.o. e actual Minister Glenbert Croes y awe e ta un sospechoso relaciona cu bendemento di tereno den caso Avestruz.

Tur cos ta mustra cu Jeff Franken t’e persona cu lo a facilita of envolvi den e tereno cu e prome sospechoso deteni di diadomingo. Den e transaccionnan ta menciona su nomber. Ta papia cu e tereno di Rebecca R., Franken lo a facilita nan e proceso. Cu esaki tabata riba su nomber prome y a bende nan esey, pero despues a coy e tereno bende bek.

Husticia tin cu prevalence y asina tur hende sa kico ta pasando.