Kontrabandista di droga a manda dos mula bai dal nan kurpa na Hulanda

WILLEMSTAD – Dos siman pasá un tribunal na Noord Holland a kondená un Curasoleño ku a ‘rondel’ (kontratá) dos mula pa hiba kokaina ku heroina pe Hulanda, mientras ku e mes tabata biahando di dèk den mesun avion pa Hulanda pa tira bista riba e mulanan.

Na final e operashon no a bai manera el a planiá, pasobra e mulanan a kai na Amsterdam i a bash’bou riba e trafikante kende dilanti Hues a tende Fiskal demandá un kastigu di 16 luna di prizon ku Hues a honra i ne momentonan aki e malvado ta sintando su kastigu den prison na Ijssel aan de Krimpen.

E duo di mula ku el paga pa bai Ulanda ku 38,7 gram di kokaina i 4 gram di heroina ku nan a plak na nan kurpa. Doño dje droga tin 45 aña i na dos okashon aña pasá ela manda e mulanan Hulanda kaminda ora nan a yega ela dirigi nan direktamente pa Tilburg kaminda polis a pone trampa pa nan i a aestá tur tres ku droga ku tur. Korte tabata sa eksaktamente kon i ki dia e trafikante a bin Kòrsou pa kontratá e mulanan esta na september di aña pasá.

Dilanti Hues a trafikante a konta Hues un kuenta di hada ku estando na Kòrsou el a fia un hende su telefon ku ta kaba ku number 4742, pero no por a bisa na ken ela fia e telefon. Pa kolmo e portador a saka foto dje doga ku e telefon.

Ora nan a yega Hulanda, nan a keda den mesun kamber di hotel na Tilburg, pero loke a kaba di daña su kaso ta ku den promé insansia ela ninga di papia i ta finalmente a disidi di gaña.

El a gaña ku ora nan a yega Hulanda el a duna un persona un kabei di boto i ku te persona aki a laga e drenta den su outo. Ta promé biaha ku e ta menshoná un tercer persona.

Ademas Polis a haña e droga den paña dje trafikante, pero loke Hues a tuma e trafikante masha na malu ta ku el a uza hende pe no kore risiko. I e no por bisa ku ta droga pa uso propio pasobra e kantidat ta muchu grandi. E trafikante a yega di mee ku droga na 2015 pero a haña kastigu di trabou fòrsá. Por lo tantu 15 aña tabata sentensia dje tribunal.