Leoncita Arends a bira e di 3 detenido den caso Avestruz

Ayera mainta tempran, personal di Landsrecherche a yega na cas di Maria Leoncita Arends, situa na Sero Blanco. Tambe e ta sospech’e di tin mas di haber den e investigacion cu a haya e nomber di Avestruz. Esaki ta di tres detencion den e caso aki.

Ainda tin un lista largo di sospechosonan, cu lo ser interroga. Ministerio Publico a cuminza dia 2 di october 2019, dia cu a haci algun entrada hudicial. Pero e tempo ey, ningun detencion a ser haci. E entradanan aki a tuma lugar den cuadro di un investigacion penal di Landsrecherche pa posibel delitonan di corupcion y otro hechonan castigabel posiblemente cometi relaciona cu otorgamento di terenonan di Gobierno.