“Mi a declara for di algun dia caba, cu mi participa na eleccion of no, MEP lo no gana eleccion”

Ayeria merdia, Benny Sevinger tabata den un conferencia di prensa di AVP, unda el a dicidi pa no stroba e investigacion Avestruz.

“Participa of no, mi por garantisa cu MEP lo no gana eleccion. MEP ta hopi envolvi den e investagacion di Avestruz”, y esaki ta keda ilustra dor di un carta di un fiscal di Ministerio Publico, reaccionando riba un carta di abogado, David Kock, kende ta abogado di Benny Sevinger. Abogado David Kock a pidi claridad riba e investigacion y aki Ministerio Publico a laga sa cu te na september lo por tin claridad. E mesun luna cu tabata planea pa tin eleccion.

E contesta di Fiscal ta mustra cla cu Ministerio Publico tambe ta den e wega politico aki, y a acelera e investigacion prome cu eleccion di dia 25 di juni awor.