Minister Xiomara Maduro a reuni cu Executive Director pa Reino Hulandes na IMF

Siman pasa, Minister Xiomara Maduro a reuni cu e Executive Director pa Reino Hulandes na IMF sr. Paul Hilbers y a toca diferente tema cu IMF ta brindando yudansa na Aruba.

A combersa, entre otro, riba e resultado positivo di e Article IV mission di Aruba cu recientemente a keda publica. Tambe riba e asistencia y apoyo tecnico cu IMF ta brindando Aruba riba e tereno fiscal, maneho di gastonan di personal, sostenibilidad di debe y maneho presupuestario.

Banda di esaki a trata hunto cu Banco Central e scan financiero cu ta un di e condicionnan di e ‘Landspakket’ pa por sigui haya fiansa for di Hulanda.

Den IMF, Aruba por conta cu e asistencia y experticio di sr. Paul Hilbers y su team p’asina Aruba por sali mas fuerte y supera e efectonan di e pandemia.