“Pakiko ta Hulanda mester a manda personal mediko?”

DEN HAAG. E pregunta ku ta entitulá e relato aki a algu ku nos a spera for  di momento ku a mira i tende kon agrio i kasi enemistoso Parlamentarionan Hulandes ta trata otro durante reunionnan publiko estando den un plataforma stail di “Son blancos y se entienden” riba e asuntu ku Hulanda a manda mediko i personal para-mediko bin yuda e personal di hospital den e krisis di Covid ku tin Kòrsou den su gara.

I ku sertesa infalibel por a pronostika ku esun ku lo a kuestiona e gesto humanitario di Gobiernu Hulandes lo tabata e frakshon di e politiko Geert Wilders, kende a reklamá ku na Hulanda mes nan mester di basta personal paramediko te pa nan manda esnan di Hulanda bin yuda na Korsoui.

Reakshonando for di  Forum voor Democratie,  e frakshon di VVD ku te frakshon di Wilders a kuestioná e yudansa Hulandes vigorosamente ku a for di Hulanda mester a manda personal pa bin yuda pashèntnan ku a inunda hospital CMC.

E Parlamentario Pepijn van Houwelingen a manda puntra Sekretario di Estado Paul Blokhuis di Ministerio di Salubridat aklarashon riba e tema aki.

Van Houwelingen a remarká ku na Hulanda mes tin skarsedat di personal paramediko i di kuido i e situashon por sali for di man pa falta di personal di kuido na HUlanda.

E ke sa unda Gobiernu Hulandes a saka e personal di kuido na Hulanda i dikon Gobiernu no a manda nan pa traha i yuda den hospital na Hulanda mes.

E Parlamentario a konta ku ultimo dianan komo 90 dokter i personal di kuido a biaha di Hulanda pa Kòrsou komo boluntario.

Na Hulanda mes tin skarsedat di personal di kuido i ta unda gobiernu a saka 43 kolaboradornan aki i dikon no ta uza nan na Hulanda mes kaminda mester di nan.

Dikon no a buska e personal aki mas tempran pa yuda na Hulanda na lugá di manda nan Kòrsou.

E Parlamentario ke sa ku na Hulanda nan tin e situashon di kuido kontrolá i ku nan no a hasi falta na Hulanda.

E ke sa kiko direktiva di e asosiashon di Hospitalnan na Hulanda ta pensa riba mandamentu di personal pa bai traha na Kòrsou i si a posibel e ke haña sifra di e sobre kapasidat di personal di kuido ku tin na Hulanda.