“Centro di Educacion Creativo” (C.E.C.) Huiswerk Begeleiding pa mucha di Scolnan Primaria y Secundario

Teniendo cuenta cu nos mucha- y hobennan a perde hopi durante e aña escolar aki na Aruba, nos Fundacion “Centro di Educacion Creativo” a amplia su capacidad pa tuma mas mucha cu ayudo di CEDE Aruba.

CEC ta un proyecto di tra’i merdia (Afterschool programs)  pa mucha y hoben di scolnan primaria (basisschool) y secundario (voortgezet onderwijs).

Pa muchanan di scolnan primaria nos ta yuda y guia e muchanan cu nan huiswerk.  2 biaha pa siman dialuna y diahuebs.

Pa Secundario tambe nos ta yuda y guia e hoben cu su huiswerk y ta duna bijles di e materianan: wiskunde, economie, natuurkunde, scheikunde, nederlands, spaans, engels, geschiedenis, INS, ASW.  Por scohe entre 2, 3 of 4 biaha pa siman.

Tambe via nos Cas di Musica tin oportunidad di haña les den un di e siguiente instrumentnan: Cuarta, Guitarra, Bass Gituar, Drum, Piano y Canto. E lesnan ta pa tur edad es decir famia completo. Tin descuento ora cu ta mas di un persona di mesun miembro di famia

Nos local y facilidadnan ta adapta n’e protocolnan di hygiena y distanciamento social  stableci pa DVG.

Nos Fundacion ta traha riba un base social cu ta asisti hobennan den nan formacion y desaroyo escolar. 

Juffr. Angy Pichardo cu t’e coordinadora hunto cu un team di docentenan dinamico y  profesional ta guia e studiantenan.

Si abo como mayor ta busca un lugar sano cu lo yuda bo yiu den su desaroyo, bo por pasa personalmente na nos oficina na Piedra Plat # 50. Entre dialuna pa diahuebs  entre 1:30 pa 5:30 pm. Of  tuma contacto cu nos via E-mail: centrofamiapp@gamil.com Tel: 5855544 / 6995545 Pa mas informacion.