No por laga Kòrsou bai pega finansieramente paso elekshon a kana otro ku a spera

Frakshon di PAR a tuma nota di un komunikado di parti di frakshon di MAN unda frakshon di MAN ta konsehá Presidente di Parlamento pa baha puntonan relevante for di agènda di e reunion planiá pa ayera 14 di aprel. Esaki segun frakshon di MAN “pa duna espasio n’e Parlamento nobo ku ta bai sinta na mei próksimamente pa trese posibel kambionan ku nan ta deseá i manera nan a kampañá i presentá nan plannan di akshon p’e próksimo temporada di gobernacion na pueblo”.

Den e kuadro aki frakshon di PAR ke mustra frakshon di MAN i tambe tur otro frakshon den e Parlamento aktual riba e karta di Sekretario di Estado sr. Knops di 26 di maart 2021 mandá pa Presidente di Tweede Kamer. Den e karta aki e siguiente pasashi ta importante i relevante:

Tambe frakshon di PAR ta mustra riba e karta di Promé Minister di Kòrsou sr. Rhuggenaath di 31 di maart 2021 mandá pa Presidente di Parlamento di Kòrsou unda Promé Minister ta mustra riba e peliger ku pais por bai kai den un situashon di likides penibel posiblemente for di fin di mei 2021 si no kuminsá trata e leinan ku sr. Knops ta mustra riba dje den su karta na Tweede Kamer unda Korsou ta kumpli ku e eksigensianan di ‘tranche 3’.

Frakshon di PAR pa medio di e komunikado aki ta pidi frakshon di MAN pa rekonsiderá nan petishon hasí na Presidente di Parlamento, akudí n’e reunion di komishon sentral i sera kuórem p’asina e puntonan di agènda pa loke ta trata posishon hurídiko di Ministernan i Parlamentarionan keda tratá debidamente.

Frakshon di PAR ta di opinion ku no por laga Kòrsou bai pega finansieramente paso elekshon a kana otro ku a spera. Mester keda konsekuente i asumí e responsabilidat ku pueblo a duna e Parlamento aktual te na final di e periodo aki.