Kalidat di datonan ku Banko Sentral ta risibi mester mehorá

WILLEMSTAD – Kalidat di e datonan ku CBCS ta risibí pa ehekutá su tarea di supervishon ta un aspekto importante den e kuadro akí. E kalidat mester mehorá riba diferente tereno i esaki ta un tema ku mester haña prioridat.

Por último, a studia tambe e posibilidat di inisiá i institushonalisá un diálogo struktural entre CBCS i e Ministerionan di Finansa, pa por tin un koordinashon mas efikas riba tereno di aserkamentu i maneho di stabilidat finansiero, partikularmente pa loke ta trata maneho di krísis.

Un diálogo formalisá ta di preferá, ya ku asina tur dos partido lo ta na altura di e riesgonan (potensial) pa stabilidat finansiero. Ademas, via un konsulta regular asina, lo por tene Gobièrnu informá di proposishon di (kambio di) maneho i mobilisá sosten pa e reformanan nesesario den sektor finansiero, ku e meta di limitá e daño ku e pagadónan di impuesto lo por sufri den kaso ku sektor finansiero hañ’é bou di preshon.

‘P’esei, ta altamente rekomendá pa lanta un komishon di stabilidat finansiero’, segun sr. Doornbosch. E programa di reforma di CBCS pa sektor finansiero ta disponibel riba wèpsait di CBCS.