Programa di reforma pa sektor finansiero di Kòrsou i Sint Maarten

WILLEMSTAD/PHILIPSBURG – Centrale Bank van Curaçao en Sint-Maarten (CBCS) a prepará un pakete amplio di reforma den kuadro di su esfuersonan pa oumentá solides di sektor finansiero.

P’e análisis i formulashon di e programa di reforma, e outoridatnan a konta ku asistensia tékniko di Fondo Monetario Internashonal (IMF). ‘E plan di reforma ta kubri vários área funshonal di CBCS.

Ophetivo di e plan ta di sigui oumentá Banko su kapasidat analítiko riba tereno di stabilidat finansiero i riesgo sistémiko, hisa su nivel di supervishon i fortifiká e reda di siguridat pa sektor finansiero’, segun Presidente di CBCS, sr. Richard Doornbosch.

Pa fortifiká su supervishon prudensial, na promé instansia prinsipalmente riba tereno di maneho di riesgo di likides i di krédito, CBCS ta hasiendo investigashon temátiko dirigí riba e manera ku e institutonan finansiero ta monitoriá nan posishon di likides i riba kalidat di nan maneho di riesgo di likides.