Workshops di mosaic di e linea di parha local ta cuminsa bek

Den luna di april workshops di mosaic ta bai cuminsa bek na Cosecha. Na 2019 e artista local Merveline Geerman a cuminsa cu su workshops di mosaic den e Creative Center na Cosecha den ciudad di San Nicolas. Inspira dor di e bestianan di Aruba, en especial dor di e parhanan local, Merveline kier a mustra con bunita nos bestianan local traha como piesa di arte ta.

E disciplina di arte di mosaic ta uno hopi popular rond di mundo y riba nos isla di Aruba tambe tin hopi hende ta gusta haci piesa di mosaic. Cu pidanan chikito di tegels di vloer bo ta forma bo piesa. E piesa por ta decora cu e pidanan di tegels, pero tambe por forma diseño di hende, di bestia, di paisahe of di edificio. Ta finalisa e piesa dor di usa grout pa yena e espacionan entre e pidanan di tegels. 

E siguiente workshop di mosaic t’esun di e parha Gonzalito. E workshop aki ta tuma lugar diabierna 30 di april y di 6.00 pm – 8.00 pm. Edad pa por participa ta 15 aña bai ‘riba. E lesnan aki ta tuma lugar na Cosecha San Nicolas.

Ta importante pa sa cu durante e actividadnan creativo na Cosecha tur precuacion di higiena y seguridad lo wordo tuma en conexion cu Covid-19.

Pa mas informacion por tuma contacto cu Cosecha na telefon 5878709. Tambe por manda un email na cosechaworkshop@gmail.com.

Pa por keda informa di Cosecha su workshopnan, artesanonan, artistanan y nan webshop nobo por bishita nan Facebook page: Aruba-Cosecha Instagram page: cosecha_aruba y Webpage: www.arubacosecha.com.