Aruba Bank ta yuda Luna Foundation Aruba salba bida di cachonan di caya

Luna Foundation Aruba ta un fundacion cu ta inspira y dedica pa yuda cambia e bida di cachonan riba caya na Aruba. Nan ta haci esaki atrabez di educa y concientisa e comunidad di e importancia di sterilisacion di cachonan.

E boluntarionan di Luna Foundation ta bishita diferente bario na Aruba diariamente p’asina duna di come y bebe na cachonan cu nan ta encontra riba caminda, pa purba elimina e gran cantidad di cachonan riba caya cu ta muri di hamber. Pa nan por sigui cu e trabou aki, Aruba Bank a haci un contribucion na e fundacion.

Nos ta invita comunidad henter cu por pa haci un donacion n’e fundacion p’asina nan por sigui cu e bon trabou. Pa mas informacion con pa haci un donacion por bishita nan website: https://www.luna-aruba.com/