Duanero celebrando 35 aña di servicio

Management, Staf y Personal di Departamento di Aduana Aruba ta recorda y felicita nan colega sr. Lesly van Putten cu dia 15 di april, 2021 el a cumpli 35 aña di servicio den nos prestigioso Departamento di Aduana.

Den presencia di Director di Aduana, miembronan di gerencia y coleganan a haci entrega di su decreto gubernamental y un regalo como recuerdo pa su 35 aña di servicio.

Durante 35 aña nos colega a desplega un carera ehemplar y a sa di “go the extra mile” pa aporta positivamente na nos Departamento.

Sr. Lesly van Putten, nos organisacion ta gradici bo p’e lealtad, bo desempeño y bon boluntad y ta desea bo hopi exito, perseverancia y sabiduria.