No ta exclui mas detencion den caso Avestrus

Ministerio Publico a emiti un declaracion ayera,  cu ta bisa Landsrecherche a haci algun detencion e siman aki den cuadro di e investigacion Avestrus di posible delitonan di corupcion y otro hechonan castigable relaciona cu dunamento di terenonan di Gobierno. Ta trata di e personanan di inicial R.Richardson, M. Arends y di P. Franken 

Avestrus ta dirigi su mes particularmente riba e pregunta si un of mas compania a wordo otorga incorectamente (un opcion riba) derecho di erfpacht riba terenonan di pais Aruba den e añanan 2009 te 2017. Den esey ta investiga tambe e rol cu un ex-Minister a eventualmente hunga. E sospechosonan cu a wordo deteni e siman aki tin varios rol den e investigacion.

Ministerio Publico no ta exclui cu lo bin mas detencion den e periodo benidero.