Fiesta na un compleho di apartamento durante TdQ, a resulta cu ta un grupo cu a paga pa nan estadia

Diabierna den oranan di anochi, durante Toque de Queda, varios patruya a wordo manda na un adres na Boegoeroei, pa motibo cu lo tabatin un supuesto fiesta andando, esaki na Ser’i Bucurui Apartments.

Mesora a manda varios patruya di Noord y Santa Cruz n’e sitio. Na yegada, e Polisnan a topa cu un grupo di hende den y cant’i e pool. Nan lo a splica Polis cu nan a paga nan estadia pa keda n’e apartamentonan aki.

Despues cu Polis a controla si esaki ta berdad, a resulta cu dos persona no a paga nan estadia. Despues di un discusion corto, a logra p’e dos personanan aki tambe paga y nan por a keda te mainta.

Prome cu Polisnan a bandona e sitio, nan a bisa e grupo cu nan mester caba cu e fiesta di pool y bay paden.