Hinkamento na Dakota

Diasabra mainta pa mas o menos 10:10 Central di Polis a ricibi un yamada di un caso di hinkamento cu a tuma lugar dilanti di Panaderia de Pueblo na Dakota.

Na yegada di patruya di Polis ta bin topa cu e victima. Ta trata di un hende homber Bikker di 58 aña di edad.  El a ricibi multiple hinca den lomba y na su stoma.

A pidi ambulance cu urgencia p’asina atende e victima. Ambulance a stabelisa e victima y transporte pa hospital.

E sospechoso principal ta di fam Tromp, kende no tabata n’e sitio mas. Polis a bay n’e cas caminda cu e bagamundo aki ta biba, pero no a hay’e. Polis  a  keda di sigui busk’e pa sa e motibo di e agresion aki. E victima y e sospechoso ta personanan cu tin problema cu adiccion y ambos ta bon conoci den e bario di Dakota.

Recherche a yega n’e sitio pa sigui cu e investigacion. Polis Teccnico tambe a presenta y a pone Departamento di Slachtoofferhulp na altura.

Cuerpo policial ta pidi un biaha mas n’esnan cu a wak algo of sa algo yama e tiplijn di Polis cu ta 11141.

MAS ATARDI

Diasabra atardi Polis di Playa a logra pone man riba e homber Eric T. (59) kendee a hinka e homber Richard Bikker diasabra mainta.

Durante patruya of kizas un tip dos patruya a yega e adres den Guyabastraat unda e agresor ta biba y ta localise y bay over mesora na detene.

A pidi transportwagen cu a transporta e agresor pa Warda di Recherche na Wayaca. Eynan e lo wordo atendi dor di un Sub Fiscal cu mas sigur lo duna ordo p’e wordo sera pendiente mas investigacion. 

Richard Bikker (59) a ricibi varios hinca serio propina pa Eric Tromp den oranan di mainta.