Homber (62) algun dia morto den su cas na Sombre, sin por haya un dokter pa constata su morto

Diadomingo mainta den careda di 9’or y mey, Polis a wordo pidi na un adres na Sombre, debi cu un persona lo no ta duna señal di bida.

Mesora un unidad di Santa Cruz a bay e dicho adres y berdad a yega y ta haya un hende homber, kende no tabata mustra ningun señal di bida. Mesora a avisa ambulance, pues a sigui e protocol.

Paramediconan cu a yega mesora a confirma loke ya e agentenan a mira. E curpa di e persona ya tabata den un estado avansa di descomponsicion, n’e momento eynan no por a bisa cuanto dia e tin morto, debi cu dokter no a yega.

Otro departamentonan manera BFTO (departamento tecnico) y Recherche a presenta y por a mira nan haciendo preguntanan tanto n’e persona cu a descubri e curpa y tambe na yiunan muher di e defunto.

Slachtofferhulp a atende cu e famia.

Autoridad a purba di tur manera pa a haya dr. Texier (e t’e dokter encarga), pero sin ningun resultado ni maske cuanto a purba. Merdia (12or pasa) a bin haya dr. Mungra pa por a constata morto cu tabata uno natural.

Famia di e fayecido mester a keda warda oranan largo pafo, sin cu Polis por a haya un dokter debi cu sea nan ta druk of no ta contesta nan celular.