Homber a bati alarma ora cu el a bira malo na altura di Linear Park

Diadomingo merdia Polis y ambulance a bay dilanti di Talk of The Town, parti patras di e negoshinan riba Linear Park. Eynan un persona lo a avisa autoridad cu e ta of lo ta birando malo.

Polis na su yegada a topa cu e persona cu tabata cu su bicicleta. Tabata trata di un cabayero, kende ta biba pariba di brug na Pos Chikito y riba bicicleta e lo a bay te Eagle cumpra remedi. 

Ora di bin bek riba e dolor posiblemente insoportabel a pone cu e mester a bati alarma. Segun el a conta Polisnan e tin hopi dolor den su stoma y agentenan tambe por a tuma nota cu su stoma tabata hincha. 

Na yegada di ambulance, Paramediconan a atende cu e homber.