Prome morto den trafico

Diabierna anochi pa mas o menos 7:20 Central di Polis a wordo notifica di un accidente basta fuerte entre un Van blanco numera A-9947 y un bromer n’e cruzada LG Smith blvd y Adrian Lacle Blvd.

Patruya cu a yega n’e sitio di e sucedido a pidi ambulance cu maximo urgrencia.

Lamentablemente personal di ambulance no por a haci nada pa cu e hoben. Pa 8:05 dr. Texier ta constata morto di Kiven Michael Dania, naci na Aruba, dia 5 januari 2000 (21 aña). Segun algun testigo for di atardi caba, e hoben aki tabata hop cu su bromer den cayanan di Dakota.

Specialista di trafico a yega n’e sitio, tambe BFTO, slachtofferhulp. Cuerpo Policial y AWEMainta ta manda palabra di condolencia na famia di e fayecido.