Rechazo total di gobernacion autoritario

“Mi ta rechasa e liderazgo autoritario y mi kier boga awe pa nos tur para pa un liderazgo democratico participativo a base di dialogo.”  Asina e docente universitario y experto constitucional Arubiano, mr. dr. Ryçond Do Nascimento a bisa den su anuncio pa pone su conocemento y capacidad na sirbishi di nos pais.

E rechazo di tur forma di “goberncion autoritario” tabata central den su discurso. El a ilustra su critica cu ehempelnan di Hulanda (“toelagenaffaire”) y Aruba: “E liderazgo arbitrario aki a conduci entre otro n’e medida di austeridad pa corta 5 miyon florin pa luna riba salubridad publico.

Aparentemente Gobierno no tabatin niun calculo pa sostene e suma di 5 miyon pa luna y tampoco niun dialogo cu e sector medico.

Ora a cuminsa pone presion riba Gobierno pa splicacion di e austerisacio aki, Gobierno a tira culpa riba AZV, CAft y Hulanda.”

Mas leu el a bisa: “Liderazgo autoritario claramente a conduci na un maneho inefectivo di enseñansa: A crea resistencia, discordia y frustracion bao maestronan cu tabatin efecto negativo riba enseñansa.

Liderazgo autoritario tambe a conduci na presion riba un Minister cu kier a inicia retiro di algun ‘spirito’.

Liderazgo autoritario a conduci cu Gabinete Wever-Croes a cay sin ningun motibo constitucional. E escogencia pa partido AVP tabata logico pa Ryçond: “AVP ta practica democracia participativo den dialoga cu tur sector. Esey ta envolve hende y duna pueblo oportunidad pa contribui.”