Sue-Ann a bolbe subi lista di MEP

E ex-Parlamentario di MEP, Sue-Ann Ras, via di su facebook a confirma di lo ta forma parti di lista di candidato di MEP e biaha aki atrobe.

Sue-Ann Ras, tabata parlamentario, pero a haye ta retira despues di a wordo descubri ta mira pelicula durante un reunion di IPKO na Hulanda. Despues el a coordinador di Minister Glenbert Croes.  

Sue-Ann Shamira Juliette Ras, di 42 aña di edad, procedente di Savaneta, ta mama di 4 yiu, esta 3 yiu muher (1 adopta) y 1 yiu homber. Den su salida como politico den partido MEP, el a logra 362 voto riba su nomber y a bira un miembro di Parlamento. Na september 2019 el a retira, despues cu a gar’e ta mira pelicula durante pleno reunion di Eerste Kamer den Parlamento na Hulanda.

Awor, despues di dos aña fo’i politica debi na falta di integridad, awor el a lansa su mes atrobe riba e mesun lista di MEP. E ta pidiendo confiansa di su votadonan pa representa nan un biaha mas, cu e promesa cu e biaha aki si e no lo faya nan. Pero manera a ser denuncia, Sue Ann Ras a uza di un grabacion haci na scol, pa haci cu su re-entrada den politica, loke a causa masha critica.