Dos setencion maa den caso Avestrus, pero dos a ser laga den libertad

Landsrecherche a detene dos persona ayera mainta den cuadro di e investigacion Avestrus di posible delitonan di corupcion y otro hechonan castigable relaciona cu dunamento di terenonan di Gobierno. Ta trata di e homber Gaby Werleman y e muher Nini Werleman.   

Avestrus ta dirigi su mes particularmente riba e pregunta si un of mas compania a wordo otorga incorectamente (un opcion riba) derecho di erfpacht riba terenonan di pais Aruba den e añanan 2009 te 2017.

LIBER

Mientrastanto e dos sospechosonan den caso penal di fraude Avestruz , esta Jeffrey Franken y Rebecca Richardson a recobra nan libertad dialuna mainta. A compronde cu prome cu por a presenta un caso pa e.o. libertad di Franken, a dicidi cu ambos por a bay liber temporalmente. Diadomingo ultimo a haci un siman cu Rebecca Richardson ta sera y ayera un siman cu Jeffret Franken tabata sera. Cu libertad di e dos personanan aki ainda tin un di 3 persona deteni, den persona di Leoncita Arends, kende awe diamars ta haci un siman deteni pa mesun cargo.

Ayera mainta e pareha Werleman-Nuñez a keda deteni tambe pa nan participacion den e actonan cu ta encera e caso. Ministerio Publico a bisa siman pasa caba cu no tabata descarta mas detencion den e caso aki, di cual ta premira cu e sospechoso principal Benny Sevinger tambe por bira un ‘victima’ di detencion.