Pelea cu a bay for di man, a caba cu detencion

Diadomingo den careda di 8’or y 40 di anochi, asistencia di Polis a wordo pidi cu hopi urgencia na un cas na San Barbola pa dos homber cu tabata bringando dilanti algun mucha.

Mesora varios patruya a bay n’e sitio y na yegada nan a bin topa cu dos homber. Un di nan tabata tur na santo. Un homber tabata mas grandi di edad cu e otro.

E dos hombernan den e pelea lo a choca otro y spanta e muchanan cu tabata n’e cas. Polis hopi liher a sa di intermedia. Polis a manda un di e hombernan paden y esun mas grandi a keda deteni, p’asina evita mas problema. Transportwagen di Polis a transporta e homber pa Warda di Polis.