Sr. Di-Stefano Wernet ta pro-vacunacion y ta conseha e mundo deportivo pa acudi pa nos deportistanan ta proteha

Di-Stefano Wernet a tuma su vacinacion contra Covid 19 y como ex Director di Lotto pa Deporte y un persona cu semper a para di parti di e deportistanan ta haci un apelacion serio na comunidad di Aruba, especialmente na nos deportistanan pa bay vacuna.

“Ta importante pa nos vacuna pa nos propio salud y salud di nos sernnan keri p’asina hunto nos por traha riba recupercion y progreso economico di nos dushi Aruba.”, segun Wernet.

E proceso ta hopi fácil, por down load e Health APP of por pasa registra y tuma vacuna na cualkier di e centronan di vacuna.

Den pasado sr. Wernet a eherce diferente funcion ehecutivo den mundo di deporte aki na Aruba. Ta trata di Presidente di Fundacion Lotto pa Deporte (FLPD), Director Statutario di Fundacion Lotto pa Deporte (FLPD), Presidente di Fundacion Facilidadnan Deportivo (FFD), Tesorero di Fundacion Facilidadnan Deportivo (FFD) y Presidente di Fundacion Arubano pa Maneho di Facilidadnan Deportivo (FAMFD).

Bou di su liderazgo dinamico y semper cu amor pa deporte sr. Di Stefano Wernet tin un trayectorio impresionante di a yuda nos deportista y organisacionnan di deporte manera mester ta.